Чүй облусунун Панфилов районунун Кайыңды шаарындагы мыйзамсыз менчиктештирилген бала бакча жана маданият үйү мамлекеттин менчигине кайтарылды. Бул тууралуу Улуттук коопсуздук мамлекеттик комитети (УКМК) билдирди.

Маалыматка ылайык, объектилер 1999-жылы мыйзамсыз түрдө «А.В.Ш.» аттуу жаранга өткөрүлүп берилген. Текшерүүнүн жүрүшүндө ал мыйзамсыз менчиктештирүү фактысын мойнуна алып, социалдык маанидеги бул объектилерди жана баасы 641,4 миллион сомго бааланган 1,25 гектар жер тилкесин Кайыңды шаарынын балансына өз ыктыяры менен өткөрүп берди.

УКМК мыйзамсыз менчиктештирилген мүлктөрдү аныктоо жана мамлекетке кайтаруу боюнча иштерди улантууда.