Түндүк Казакстан облусунун жети районунун он конушунда куш тумоосунан улам карантин киргизилген. Бул тууралуу Tengrinews.kz. жазды.
Карантин Тимирязев, Тайиншинск, Жамбыл, Кызылжар райондорунда, ошондой эле Шал акында, Мусреповдо, Жумабаевде киргизилип жаткандыгы маалымдалды. Чектөөлөр оорунун акыркы учуру катталгандан кийин 21 күндөн кийин алынат.
Айыл чарба министрлигинин Ветеринардык көзөмөлдөө комитетинин Түндүк Казакстан аймактык инспекциясынын башчысы Марат Ибраев айткандай, карантиндин шартына ылайык, адамдардын жана унаалардын жүрүшү максималдуу түрдө чектелет. Унаалардын жүрүүчү бөлүгүн дезинфекциялоо үчүн карантиндик зонанын кире беришине жана чыгышына дезинфекциялык тосмолор орнотулат. Ветеринардык коопсуздук чараларын сактоо менен транспорттук кызматтар жана жашоону камсыздоочу уюмдар, укук коргоо органдары, медициналык жана ветеринардык кызматтар эркин жүрөт.
Ошондой эле Нур-Султандын адистери аймакка келгени маалымдалды. Орусия менен чектешкен очоктордо жана конуштарда бардык үй канаттууларын эмдөө үчүн 800 миң доза вакцина бөлүнгөн.
