Кыргыз-казак чек арасында Казакстандан алынып келинген 36 тонна азык-түлүк уну Кыргызстанга киргизилген жок. Жүк милдеттүү фитосанитардык сертификаты жок болгондуктан жөнөтүүчүгө кайтарылды.

Суу ресурстары, айыл чарба жана кайра иштетүү өнөр жайы министрлиги билдиргендей, эреже бузуу 8-июлда Химиялаштыруу, өсүмдүктөрдү коргоо жана карантин департаментинин Чүй-Бишкек башкармалыгынын кызматкерлери тарабынан «Ак-Тилек» өткөрүү пунктунун жанындагы жыйынды постто текшерүү учурунда аныкталган.

Мекемеден түшүндүрүшкөндөй, продукциянын бул партиясы жогорку фитосанитардык тобокелдиктеги карантиндик жүктөргө кирет. Евразия экономикалык биримдигинин эрежелеринде каралган фитосанитардык сертификаттын жоктугунан улам ун жөнөтүүчүгө кайтарылды.