Мындай чечимди Борбордук шайлоо комиссиясы 5-ноябрда чыгарган. Маалымат бүгүн ачыкка чыкканын «Клооп» жазып чыкты.

Андагы маалыматтарга караганда,  БШК “Клооп Медиа” коомдук фондунун уставында  шайлоо мыйзамдары боюнча жана шайлоодо, ошондой эле адам укуктарын коргоо тармагында иш алып баруусу тууралуу көрсөтүлгөн эмес», — деген жүйөнү келтирген.

Ал эми «Клооптун» юристи Фатима Якупбаеванын айтымында, аталган норма үстүбүздөгү жылдын 5-сентябрында гана пайда болгон. БШК кабыл алган жобо «Конституцияга каршы келет» жана «ооздуктоо аракети» деп бааланса болот.

2020-жылдын күз айларынан тарта «Клооп» төрт шайлоого жана эки референдумга байкоо жүргүзгөн. Анда жүздөгөн мыйзам бузууларды таап чыккандыгы айтылат.