Бүгүн, 8-июнда Өзгөчө кырдаалдар министрлигинин өкүлдөрү чакырылган жоокер Бекзат Эсенбековдун сабалышы боюнча маалымат жыйын өткөрүштү.

Өзгөчө кырдаалдар министрлигинин республикалык өзүнчө куткаруу отрядынын командири Кумар Ахматов сабалган жоокер үчүн жоопкерчиликти алууга даяр эмес экенин билдирди.

“17-майда мени кызматтан алып, башка кызматка которушту. Акыркы убактарда кызматымды тапшыруу менен алек болдум. Балким, кадрдык иштерге убакыт бөлгөн жокмун”, — деди Ахматов.

Эске салсак, кечээ, 7-июнда катардагы жоокер Эсенбековдун атасы прапорщик Ж.уулу Т.га чара көрүү өтүнүчү менен кайрылган, анын айтымында, ал 1-июнда Өзгөчө кырдаалдар министрлигинин аскер бөлүгүндө баласын сабап салган.