Мамлекеттик салык кызматынын (МСК) кызматкерлери Кыргызстанга косметиканын жана эл керектөөчү товарлардын ири партиясын мыйзамсыз ташып кирүү аракетине бөгөт коюшту, деп билдирет мекеменин басма сөз кызматы.

Маалыматка ылайык, жүк республиканын аймагына жүк ташуучу унаа менен тиешелүү коштоочу документтери жок алынып келинген. Алдын ала маалыматтар боюнча, эсепке алынбаган товардын жалпы баасы 2,2 миллион сомдон ашат.

Учурда мамлекеттик бюджеттин кирешесине тийиштүү салык төлөмдөрүн өндүрүүгө багытталган иш-чаралар жүргүзүлүүдө.