Күйүүчү-майлоочу май маселесин чечүү үчүн республикалык бюджеттен 2 млрд сом бөлүү пландалууда. Бул тууралуу бүгүн, 24-мартта министрлер кабинетинин антикризистик чаралар боюнча өтүп жаткан жыйынында Финансы министри Алмаз Бакетаев билдирди.

Анын айтымында, каражат нефтетрейдерлерге күйүүчү май сатып алуу үчүн берилет. Бул боюнча кыска мөөнөттүү ссуда бөлүү чечими кабыл алынган.

“Бүгүнкү күндө республиканы күйүүчү-майлоочу май менен камсыз кылуу коркунучу бар. Ошондон улам алдын алуу үчүн тиешелүү иштер жүргүзүлүүдө”,- деди Бакетаев.

Белгилей кетсек, министрлер кабинети 126 млрд сомдон ашуун каражатка антикризистик иш-чаралар планын бекитти.