Кыргыз жарандарына Орусияга кирүүгө тыюу салуу учурлары көбөйүп, аэропорттордо узак текшерилүүдө. Бул тууралуу тышкы иштер министринин орун басары Алмаз Имангазиев Орусиянын элчиси С.Вакунов менен жолугушууда билдирди.

Кыргыз тарап аталган маселелерге тынчсыздануусун айтты.

“Ошону менен бирге, ал россиялык тараптын өлкөдөгү коопсуздукту камсыздоого багытталган чараларын кыргыз тарап түшүнүү менен кабыл аларын белгиледи”, – дейт ТИМ.