Кыргызстан менен Беларустун ортосунда 2025-2027-жылдарга карата кызматташтыкты өнүктүрүү боюнча планга кол коюлду. Бул тууралуу министрлер кабинети билдирди.

Кыргыз-беларусь кызматташтыгын өнүктүрүүгө байланышкан документке Кыргызстандын өкмөт башчысынын орун басары Бакыт Төрөбаев жана Беларустун премьер-министринин орун басары Анатолий Сивак видео-конференц байланыш аркылуу кол коюшту.

Эки тарап соода-экономикалык, илимий-техникалык жана маданий кызматташтыктын бардык багыттарын камтыган бул документ биринчи кезекте соода, өнөр жай кооперациясы, айыл чарба жана транспорттук-логистика тармагындагы пайдаланылбаган потенциалды ачууга мүмкүндүк берерин билдиришти.