Чүйдүн Аламүдүн районунун прокурору пара талап кылууга шектелип кармалды. Бул тууралуу УКМКдан билдиришти.

Атайын кызматтын маалыматы боюнча, прокурор (С.Ж.) үй камагына чыгышы үчүн бир аялдан (Ж.Я. кызы) 80 миң сом опузалаган деп шектелүүдө.

Аталган факт боюнча Кылмыш-жаза кодексинин 343-беренесинин 2-бөлүгүнүн 1-пункту (опузалап пара талап кылуу) менен кылмыш иши козголуп, аталган прокурор (С.Ж.) кармалган.

Ал Бишкек гарнизонунун Аскер комендатурасынын гауптвахтасына камакка алынды.

Учурда тергөө иштери уланууда.