5–20-июль күндөрү Кыргызстанда биринчи жолу Шанхай кызматташтык уюмуна (ШКУ) мүчө мамлекеттердин жаш окумуштуулары үчүн Эл аралык илимий-билим берүү лагери өткөрүлөт. Бул тууралуу Агартуу министрлиги билдирди.

Иш-чара Ысык-Көл облусунун Чолпон-Ата шаарындагы президенттик «Акылман» лицейинде өтөт. Ага ШКУга мүчө өлкөлөрдүн мектеп окуучулары, академиялык профессорлор, илимий насаатчылар, ошондой эле билим берүү жана илим тармагындагы мекемелердин өкүлдөрү катышат.

Министрлик бул лагерь билим жана тажрыйба алмашууга, илимий кызматташтыкты өнүктүрүүгө жана биргелешкен изилдөө долбоорлорун ишке ашырууга мүмкүнчүлүк түзгөн аянтча болорун билдирди. Ал уюмга мүчө мамлекеттердин таланттуу жаштарынын достук байланыштарын чыңдоого да шарт түзөт.