Кыргызстанда 202,3 миң майыптыгы бар адам жашайт. Бул тууралуу бүгүн, 11-октябрдагы маалымат жыйында эмгек, социалдык камсыздоо жана миграция министри Кудайберген Базарбаев билдирди.

Министрдин айтымында, алардын ичинен 35 миңи балдар.

Быйыл 1-июндан тарта бала кезинен майыптыгы (I топ) бар жашы 18ден улуу адамдар үчүн “жеке камкорчу” кызматы киргизилген. Буга чейин “жеке камкорчу” кызматы 18 жашка чейинки балдар үчүн көрсөтүлүп келген.

“Жеке камкорчу” болуп иштеген адамдар кийин пенсияга да чыга алат”, – деди ал.

Учурда Кыргызстанда 10 миң 910 киши жеке ассистент катары иштеп, аларга ай сайын 6,3 миң сомдон төлөнөт.

Бардык жаңылыктар Телеграм каналда