Кыргызстанда мектепке чейинки курактагы балдардын 28 пайызы, же 222 миңи гана бала бакчаларга барат. Бул тууралуу Жогорку Кеңештин комитетинин жыйынында билим берүү жана илим министри Догдуркүл Кендирбаева билдирди.
Анын айтымында, 750 миң бала үйдөн тарбияланат.
“Жыл сайын 150 миң -160 миң наристе төрөлөт. Биз алардын баарын бала бакча менен камсыздай албай жатабыз”, — дейт министр.
Догдуркүл Кендирбаеванын айтымында, 1-11-класстагы курактагы окуучулардын 150 миңи ар кандай себептерден улам учурда мектепке барбайт.
Биздин Телеграм каналга катталыңыз
