Эмгек, социалдык коргоо жана миграция министрлиги 2021-жылы турмуштук оор кырдаалга кабылган балдарды, анын ичинде эмгек мигранттарынын балдарын аныктоо үчүн үймө-үй кыдырып 442 940 изилдөө жүргүзгөн.

Өлкөдө ата-энеси чет өлкөдө иштеп жүргөн 93 миң 501 бала бар экени белгилүү болду. Аталган министрлик мындай балдардын автоматташтырылган базасын иштеп чыккан.

Мындан тышкары, маалымат базасында үй-бүлө менен жекече иштөөнүн планын, ошондой эле баланы коргоо боюнча жеке планды электрондук түрдө калыптандыруу каралган.