Бишкекте баңги затын өстүрүүгө шектелген жаран кармалды. Бул тууралуу борбор калаанын Патрулдук милиция кызматынын жетекчилиги билдирди.

Маалыматка ылайык, милицияга үйлөрдүн биринде үй-бүлөлүк жаңжал чыккандыгы тууралуу билдирүү түшкөн. Шаар тургуну уулун үйүндө баңгизатын өстүргөнү үчүн сабап салганы белгилүү болду.

Окуя болгон жерге Патрулдук милициянын кызматкерлери барышып, курамында баңги заты бар өсүмдүктөрдү өстүрүү фактысы тастыкталды. Тергөө иштерин жүргүзүү үчүн адам Биринчи Май райондук ички иштер бөлүмүнө жеткирилген.