Кыргызстандык балбан Улукбек Жолдошбеков эркин күрөш боюнча Азия чемпиондугунда алтын медалга татыды. Бул тууралуу биргелешкен күрөш дүйнөсү уюмунун расмий сайтына жарыяланды.

61 килограмм салмак категориясында күрөшкөн мекендешибиз, финалда Тажикстандык Мухамад Икромовду утуп, алтын медалга ээ болду.

Ага чейин ал Казакстандын спортчусу Нурболат Абдуалиевди, чейрек финалда ирандык Мажид Алмаз Дастанды, жарым финалда индиялык Рахул Баласахебди жеңген.

18-февралда Индиянын Нью-Дели шаарында башталган мелдеш 23-февралда жыйынтыкталды.