Кыргызстандык жөө күлүктөр Өзбекстандагы жарышта 4 медаль утту. Бул тууралуу Дене тарбия жана спорт департаментинен билдиришти.
Маалыматка караганда, 3-сентябрда Ташкентте Өзбекстандын 1-сентябрь — Эгемендик күнүнө карата «Yangi Nafas – Жаңы Дем» аталышындагы жарыш өткөн. Спортчулар 3 жана 10 чакырым аралыкка жарышкан.
Кыргызстандын атынан жарышка 84 жөө күлүк катышкан.
10 чакырым аралыкка жарышта Эламан Абылабеков алтын, Азат Касымбеков коло байге тагынган. 35+ жаш курактагылар арасында Аманкул Токтогулов күмүш медалдын ээси болгон.
Ошондой эле, 3 чакырым аралыкка жарышта Элдияр Каыдров алтынга татыган.
Биздин Телеграм каналга катталыңыз
