2023-жылдын 9 айында кыргызстандыктар уюлдук  байланышка  32 миллиард 116,4 миллион сом короткон. Бул  2022-жылдын январь-сентябрь айына салыштырмалуу 7 миллиард 105,7 миллион сомго көп. Мындай маалымат Улуттук банктын расмий статистикасында айтылат.

2022-жылы жарандар мобилдик компанияларга төлөм уюмдары аркылуу (терминал, уюлдук банкинг, төлөм тутуму) 36 миллирд 203,9 миллион сом которгон. Ал эми  байланыш операторлорунун өзүнө 117 миллион 384 миң түшкөн. Орточо төлөм 308 сом 4 тыйынды түздү.

2023-жылы орточо төлөм 388 сом сом болуп, 25,8 пайызга өскөн.

Белгилей кетсек, Улуттук статистикалык комитеттин маалыматында, уюлдук операторлордун абоненттери 7 миллион 400 миңди түзөт.

Биздин Телеграм каналга катталыңыз