Кыргызстанда өлкөнүн китепкана фонддорун бириктирген жана китептерди, ошондой эле башка материалдарды санарип форматта окууга мүмкүндүк берген NEB.KG онлайн-платформасы иштеп жатат. Бул тууралуу Кыргыз-Орусия славян университетинин (КОСУ) басма сөз кызматы билдирет.

Маалыматка ылайык, колдонуучулар платформада өздөрүн кызыктырган басылмаларды жана материалдарды издеп, ошондой эле Кыргызстандын адабий жана маданий мурастары менен тааныша алышат.

Электрондук китепканага колдонуучунун жайгашкан жерине карабастан онлайн кирүүгө болору белгиленет.

«Платформа Кыргызстандын китепкана фонддорун окурмандар үчүн дагы жеткиликтүү кылууга жана аларды санарип форматта колдонуу мүмкүнчүлүктөрүн кеңейтүүгө багытталган», — деп айтылат маалыматта.