Сауд Арабия электрондук визаны сегиз өлкөнүн жарандарына берүүнү чечти. Бул тууралуу өлкөнүн Туризм министрлигине таянып Arab News билдирди.

Маалыматка ылайык, бул мамлекеттерге Азербайжан, Албания, Грузия, Кыргызстан, Мальдив аралдары, Тажикстан, Өзбекстан жана Түштүк Африка кирген.

Жогорудагы өлкөлөрдүн жарандары зыярат визасын электрондук түрдө же падышалыктын аэропортторунун бирине келгенде тапшыра алышат.

Бул визаны туризм, умра, тууган-урук, досторду зыярат кылуу, ошондой эле бизнес максаттары үчүн колдонсо болот.

Биздин Телеграм каналга катталыңыз