Кечээ, 17-июнда Борбор Азия-Кытай экинчи саммитинин алкагында үч Кызматташтык борборунун ачылыш аземи болуп өттү. Иш-чара алты мамлекеттин башчыларынын катышуусунда видеоконференция форматында өтүп, анда түзүлүп жаткан борборлордун максаттары жана милдеттери тууралуу атайын видеотасма көрсөтүлдү.

Кызматташтык борборлору Кытай Эл Республикасынын аймагында түзүлөт жана аймактын өлкөлөрүнүн ортосундагы практикалык өз ара аракеттенүүгө багытталган.

Алар үч негизги багыт боюнча иш алып барышат: жакырчылык менен күрөшүү, билим берүүнү өнүктүрүү жана чөлгө каршы күрөшүү. Бул багыттардын алкагында адистерди даярдоо, алдыңкы технологиялар менен алмашуу пландалууда.