13-июнда Финансы министрлигинде Япония менен эки келишимге кол коюулду. Документтер Кыргызстандын министрлер кабинетинин, Япония өкмөтүнүн жана Япониянын эл аралык кызматташтык агенттигинин (JICA) катышуусунда жактырылды.

Келишимдерде кызматташуунун эки негизги багыты каралган.

Биринчиси, социалдык-экономикалык өнүгүү программасынын алкагында заманбап медициналык жабдууларды сатып алууга 500 миллион иен бөлүү.

Экинчиси, Кыргызстандын 20 мамлекеттик кызматчысына Япониянын ЖОЖдорунда магистратура жана докторантурада билим алуу мүмкүнчүлүгүн камсыз кылган 399 миллион иен өлчөмүндөгү JDS стипендиялык программасын ишке ашыруу.

Долбоорлорду ишке киргизүү үстүбүздөгү 2025-жылга пландаштырылган.