.svg){kind=logo}
Тургунбек уулу менен Сулаймановдун ордуна Жогорку Кеңешке жаңы депутаттар келдиЖылмаюу жана бий: №33 автобустун «Жапайы айдоочусу» бишкектиктерге жагымдуу маанай тартуулайтБишкекте 8 өспүрүм дайынсыз жоголууда. Алардын алтоо балдар борборунун тарбиялануучуларыСтудент алмашуу, биргелешкен изилдөө жүргүзүү: Кыргызстан менен Кореянын ЖОЖдору кызматташатТаластагы күрөөкана мыйзамсыз тартып алынган мүлктөрдү ээлерине кайтардыБишкекте автобуста телефон уурдоого шектелген жаран кармалды
Кызыл-Кыяда соодагерлерди 600 миң сомго алдап кеткен шектүү кармалды
26.03.2024 | 17:46
Баткендин Кызыл-Кыя шаарында аял киши алдамчылыкка шектелип кармалды. Бул тууралуу облустук милициянын маалымат кызматы билдирди.
Белгилүү болгондой, кармалган аял шаардагы Таштемир-Ажы базарындагы соодагерлерден товар алып, “акчасын алып келип берем” деп алдап кеткен деп шектелүүдө. Алдамчылык фактылар быйыл январь-февраль айында болгон.
Аялдын үстүнөн милицияга 8 жаран арыз жазган. Бул факттар боюнча Кылмыш-жаза кодексинин 209-беренесине (алдамчылык) ылайык кылмыш иши козголгон.
Алданган адамдарга 600 миң сом зыян келтирилген.
Милиция бул ишке шектүү катары Жалал-Абаддын Аксы районунун 34 жаштагы У.М. аттуу тургунун кармады.
Учурда тергөө иштери жүрүп жатат.
