.svg){kind=logo}
Бишкектеги ШКУ саммити жана Көчмөндөр оюндары: эмнелер жабылат жана кантип жол жүрүүгө болотЖК депутаты Казакстандагы Курултай депутаттарын шайлоого байкоо жүргүзүүдө«Кыргызалтын» ишканасынын алты айлык таза кирешеси 33 млрд сомду түздүТИМ башчысы БУУнун Коопсуздук кеңешине шайлоо өнөктүгүндө пассивдүү болгон элчилерди сынга алдыАвтоунааларды каттоо боюнча мамлекеттик борбор майрам күндөрү кандай тартипте иштейтБишкектин айрым көчөлөрүндө жаратылыш газы 3 күнгө өчүрүлөт
Кызыл-Кыяда соодагерлерди 600 миң сомго алдап кеткен шектүү кармалды
26.03.2024 | 17:46
Баткендин Кызыл-Кыя шаарында аял киши алдамчылыкка шектелип кармалды. Бул тууралуу облустук милициянын маалымат кызматы билдирди.
Белгилүү болгондой, кармалган аял шаардагы Таштемир-Ажы базарындагы соодагерлерден товар алып, “акчасын алып келип берем” деп алдап кеткен деп шектелүүдө. Алдамчылык фактылар быйыл январь-февраль айында болгон.
Аялдын үстүнөн милицияга 8 жаран арыз жазган. Бул факттар боюнча Кылмыш-жаза кодексинин 209-беренесине (алдамчылык) ылайык кылмыш иши козголгон.
Алданган адамдарга 600 миң сом зыян келтирилген.
Милиция бул ишке шектүү катары Жалал-Абаддын Аксы районунун 34 жаштагы У.М. аттуу тургунун кармады.
Учурда тергөө иштери жүрүп жатат.
