Кыргызстанда өкмөт томолой жетим балдарга 500 миң сомдон берет. Бул тууралуу өкмөт башчы Акылбек Жапаров билдиргенин президенттин Ош облусусундагы өкүлчүлүгү кабарлады.

Маалым болгондой, 500 миң сом акча банкта ачылган эсепке салынып, аны бала 18ге чыкканда ала алат. Азыркы күндө өлкөдө 1 миң 868 томолой жетим бала бар. Алар үчүн бул жылдан тарта 270 млн сом банктарга депозитке жөнөтүлөт.

“Балдар үйүндө тарбияланган балдар 18ге чыккандан кийин кам көрүлбөй, уурулук, кылмыш же сойкулук менен алектенип кеткен фактылар көп катталган. Мамлекет аларга көңүл бурчу эмес. Экономикабыз оңолуп, мамлекетибиз кубаттуу болуп калды, мынтип колдоого муктаж коомдун катмарына көңүл бурулуп жатат”, – деп айтылат маалыматта.