Мамлекеттик автомектеп «B» жана «C» категориялары боюнча практикалык сабактарды 30 саат, ал эми кайра даярдоо курстарын 16 саатта өтүү мүмкүнчүлүгү түзүлгөнүн билдирди.

Маалыматка ылайык, жаңы эрежелер окуу процессин оптималдаштыруунун алкагында киргизилген. Эми практикалык сабактар курсанттар аралык тестирлөөдөн ийгиликтүү өткөндөн кийин гана башталат.

Мекеме ошондой эле окутуунун стандарттык программасы толук көлөмдө сакталарын жана белгиленген талаптарга жооп берерин кошумчалады. Бул чаралар айдоочуларды сапаттуу даярдоого жана жол коопсуздугун камсыздоого багытталган.