Мугалим, дарыгерлерге мамлекеттик ипотека берүү үчүн Сауд Арабиядан 100 млн доллар алуу пландалууда. Бул тууралуу Кыргызстандын Сауд Арабиядагы элчиси Улукбек Марипов фейсбук баракчасындагы түз эфирде билдирди.

Анын айтымында, аларга ипотека Мамлекеттик ипотекалык компания аркылуу жеңилдетилген түрдө берилет.

“Мугалим, дарыгер жана колу жука үй-бүлөлөрдү үй-батир менен камсыздоо үчүн Сауд Арабиядан 100 млн доллардан ашык каражат алуу сүйлөшүлүп, аягына чыгып жатат. Менимче бул маселе оң жагына чечилет”, – деди ал.

Бардык жаңылыктар Телеграм каналда