Кийинки парламенттик шайлоого катышар катышпастыгымды аызырынча айта албайм. Мындай пикирди  “Репортерго” Жогорку Кеңештин депутаты Исках Масалиев билдирди.

Ал VI чакырылыштагы парламентке жана спикерге сындар көп айтылгандыктан мандатын тапшыруу чечимин кабыл алганын айтты.

“Кийинки парламенттик шайлоодо депутаттыкка талапкер катары катышарымды, эгер катыша турган болсом кимдерге кошуларымды азырынча айта албайм. Мен өзүм “Кыргызстан Коммунистик партиясын” төрагасымын. Шайлоого чейин дагы көп бар, адегенде өзгөчө кырдаал токтоп, баары өз оордуна келе берсин, анан белгилүү болот”, – деди Масалиев.

Белгилей кетсек, Исках масалиев Жогорку Кеңештин 21-мартагы жыйыны учурунда депутаттык мандатын тапшырып, парламенттен кетерин айтткан.

Сүрөт: «Супер-Инфо»