VI Дүйнөлүк көчмөндөр оюндарында таяк тартыш боюнча мелдеште Кыргызстандын куржунуна алгачкы алтын медалды милициянын кенже лейтенанты Элдана Болотбекова алып келди. Бул тууралуу Бишкек шаарынын ИИББи билдирди.

Элдана Болотбекова Бишкектин Свердлов райондук ички иштер башкармалыгынын Коомдук коопсуздук кызматынын Жашы жете электер менен иштөө инспекциясынын аймактык тескөөчүсү болуп эмгектенет. Ал таяк тартыш боюнча таймашта атаандаштарын жеңип, биринчи орунду ээлеген.

Спортчу оюндардын расмий ачылыш аземинде Кыргызстандын курама командасы менен бирге салтанаттуу жүрүшкө катышкан. Свердлов РИИБдин өздүк курамы кесиптешин жеңиши менен куттуктап, мындан аркы иштерине ийгилик каалады.