Үй-бүлөлүк дарыгерлер борборлорунун жана өлкөнүн аймактарындагы дарыгерлер 35 миң сомдон 60 миң сомго чейин айлык алышат. Бул тууралуу саламаттыкты сактоо министри Алымкадыр Бейшеналиев парламент жыйынында билдирди.
Анын айтымында, жаш адистер 11 миң сомдон 13 миң сомго чейин айлык маяна алышууда.
“2023-жылдын 6 айынын жыйынтыгы менен республика боюнча дарыгерлердин орточо айлыгы 24 миң сомду түздү. Административдик-башкаруу персоналынын эмгек акысы 20,4 миң сомду, медайымдыкыкы 19,5 миң сомду, кенже персоналдыкы 13,9 миң сомду, башка персоналдыкы 14,2 миң сомду түздү”, — деп айтылат маалыматта.
