Ысык-Көл облусунун Түп районунда Балакчы-Ананьево-Каракол унаа жолундагы 4 дарактын кыйылышы фактысы боюнча пландан тышкаркы текшерүү жүргүзүлдү.

Жаратылыш ресурстары, экология жана техникалык көзөмөл министрлигинин Ысык-Көл облусу боюнча аймактык башкармалыгынын кызматкерлери аталган башкармалыкка бак-дарактарды кыюуга уруксат берүү боюнча арыздар түшпөгөнүн аныкташкан. Өсүмдүктөр дүйнөсүнүн объектилерине келтирилген зыян 25 940 сом 53 тыйынды түздү.

Экологияга зыян келтирүү боюнча иштин материалдары тиешелүү чараларды көрүү жана калыбына келтирүү үчүн Түп районунун ички иштер бөлүмүнө жиберилди.