Москвада эмгек мигранттарынын катышуусунда дагы бир массалык мушташ болду. Бул тууралуу орусиялык маалымат каражаттары жазып чыгышты.
РЕН ТВга белгилүү болгондой, окуя борбордун түндүгүндө, Коптево аймагында орун алган. Анда эркектер спирт ичимдиктерин ичип жатканда болгон. Мушташка катышкандардын арасында мигранттар да, орустар да бар, анын ичинде «Жилищник» мамлекеттик бюджеттик мекемесинин кызматкерлери болгону айтылууда.
Бычактан жаракат алгандардын бири ооруканага жаткырылган.
Окуянын натыйжасында 23 адам кармалган. Полиция текшерип жатат. Мушташтын катышуучулары депортацияга туш болушу мүмкүн.
Сүрөт: иллюстарциялык
