18-июнунда күндүн экинчи жарымында жана 19-июндан 22-июнга чейин Кыргызстандын тоолуу жана тоо этектериндеги райондорунда сел жүрүү коркунучу бар. Бул тууралуу Өзгөчө кырдаалдар министрлигинин Ысык-Көл облустук башкармалыгы билдирди.

Маалыматка ылайык, абанын температурасынын жогорулашы жана күтүлүп жаткан жаан-чачындан улам дарыяларда суунун деңгээли көтөрүлүшү мүмкүн.

Мекеме жарандарга тоолуу аймактарга жана кооптуу жерлерге баруудан баш тартууну сунуштады. Өзгөчө кырдаал жаралган учурда 112 номерине чалуу зарыл.