Орусия Баткен шаарына 1200 орундуу орус тилдүү мектеп курат. Бул тууралуу “Акчабарга” Баткен шаардык мэриясынын маалымат кызматы билдирди.

Маалыматка ылайык, курула турган мектеп үчүн Баткен шаардык мэриясы эки гектар жер тилкесин шаардын Чет-Булак аймагынан бөлгөн. Курулуш кийинки жылы башталаары белгилүү болду. Жерди көрүүгө Орусиядан эксперттер келген.

Ошондой эле алар Баткендеги студенттерди Башкортостан мамлекеттик педагогикалык окуу жайына бюджеттик негизде билим алуусуна шарт түзүп берүүгө даяр экендигин билдирди, деп айтылат маалыматта.