Санкт-Петербургда 16 жаштагы кыргызстандык кыз өгөй атасы тарабынан сексуалдык зомбулукка кабылган. Бул тууралуу Кыргызстандын Орусиядагы элчилигинен билдиришти.

Маалыматка караганда,  кыз курулуш техникумунда окуйт. Кыргыз Республикасынын дипломатиялык өкүлчүлүгүнүн кеңсеси Орусиянын Тышкы иштер министрлигинин Санкт-Петербургдагы өкүлчүлүгүнө окуя боюнча маалымат берүү өтүнүчү менен нота жөнөттү.

Ошондой эле бизге Санкт-Петербург шаарынын укук коргоо органдарынын, камкорчулук жана көзөмөлчүлүк органдарынын, ошондой эле Балдардын акыйкатчысынын аппаратынын иши тууралуу маалымат берүүнү суранышты. Компетенттүү органдардан расмий жооп күтүп жатканы айтылды.