Ош, Манас жана Баткен шаарларына студенттер үчүн жатаканалар салынат. Бул тууралуу Курулуш министрлиги билдирди.

Долбоорго ылайык, Ош шаарында 9 кабаттуу 720 орундуу, Манас шаарында 9 кабаттуу 740 орундуу, ал эми Баткен шаарында эки блоктон турган 4 кабаттуу жатакана курулат.

28-сентябрда Ош шаарында курулуш министри Нурдан Орунтаев жыйын өткөрүп, анда имараттардын долбоордук чечимдери жана курулуш мөөнөттөрү талкууланды.

Министр объектилердин сейсмотуруктуулугун жана коопсуздугун камсыз кылуу талабын белгиледи. Курулуш иштерин 2027-жылдын 31-августуна чейин аяктоо милдети коюлду.