Кыргызстандын Эмгек, социалдык камсыздоо жана миграция министрлиги жайкы каникул маалында өспүрүмдөрдүн жумуш убактысы боюнча мыйзамдык чектөөлөрдү эскертти.

Жумуш убактысынын чектөөсү:

• 14–16 жаштагы өспүрүмдөр — күнүнө 5 сааттан ашык эмес;
• 16–18 жаштагылар — күнүнө 7 сааттан ашык эмес.

Эгер өспүрүм жумушту окуу менен айкалыштырса:

• 14–16 жаш — күнүнө 2,5 сааттан ашык эмес;
• 16–18 жаш — күнүнө 3,5 сааттан ашык эмес.

Ишке орношуу шарттары:

• Жумушка 16 жаштан баштап уруксат берилет.
• 15 жаштан — атайын уруксат менен.
• 14 жаштан — ата-эненин жазуу жүзүндөгү макулдугу жана ден соолукка зыяны жок жеңил иштерге гана.

“Кыргыз Республикасында балдар эмгегинин эң начар формаларына тыюу салынат. Иш берүүчүлөр өспүрүмдөрдү жумушка алууда эмгек мыйзамдарын так сактоого милдеттүү”,- деп белгилейт министрлик.