Өзбекстанда акыркы 80 жылда биринчи жолу гүлдөрдүн Хайктавон тукумуна таандык жаңы түрү табылганын ал өлкөнүн Илимдер академиясынын басма сөз кызматы билдиргенин жергиликтүү басылмалар жазып чыкты.

Сары гүлдүн бул уникалдуу түрү Өзбекстандын Илимдер академиясынын Ботаника институтунун окумуштуулары тарабынан Сурхандарыя облусунун Байсун тоолорунан табылып, Ranunculus tojibaevii деп аталган.

2022-жылдын 1-апрелинде эң популярдуу ботаникалык журналдардын бири PhytoKeys жаңы өсүмдүк түрү жөнүндө макала жарыялады.

Өзбекстандын флорасында Ranunculus тукумуна кирген акыркы жаңы түрү 1941-жылы табылып, Ranunculus vvedenskyi деп аталган.