25-апрель күнү Жалал-Абад облусунун Аксы районунун Мамай участкасында Өзбекстанды көздөй бара жаткан Мерседес-Бенц Спринтер үлгүсүндөгү унаа табылган. Бул туурасында Чек ара кызматынан билдирди.

Маалыматка караганда, чек арачылар чек араны мыйзамсыз кесип өтүү аракетинин алдын алып, унаа менен айдоочуну кармашкан. Автоунаадан 2500 кг кара өрүк табылган.

Айдоочунун өздүгүн тактоодо ал Кыргызстандын 1986-жылы туулган Н.З. аттуу жараны болуп чыкты.

Алдын ала маалыматтар боюнча, кечиктирилген жүктүн баасы 300 миң сомдун тегерегинде болгон.

Тиешелүү документтер толтурулгандан кийин кармалган айдоочу жана жүк кошумча иликтөө иштерин жүргүзүү үчүн компетенттүү органдардын кызматкерлерине өткөрүлүп берилди.