Түп районунун прокуратурасы жер мыйзамдарынын сакталышына жүргүзүлгөн текшерүүнүн жүрүшүндө, 2008-жылы Ысык-Көл айылдык аймагынын аймагында жайгашкан Түп мамлекеттик адистештирилген чарбасынын саламаттыкты сактоо лагеринин мүлк комплекси 6 гектар аянттагы жер тилкеси менен бирге мыйзам талаптарын бузуу менен жеке жактарга берилип кеткенин аныктады.

Прокурордук кабыл алуу чараларынын натыйжасында наркы 163 миллион 945 миң сом болгон мүлк комплекси жана 6 гектар жер тилкеси мамлекеттик менчикке кайтарылды.

Прокуратура социалдык багыттагы объекттерди жеке менчикке мыйзамсыз берүү фактыларын аныктоо жана аларды мамлекетке кайтаруу боюнча иштерди улантууда.