Владимир Путин КМШ мамлекеттерин соода-сатыкты улуттук валютада жүргүзүүгө чакырды. Бул тууралуу ал бүгүн уюмдун Бишкекте өткөн жыйынында билдирди.
Россия президентинин пикиринде, шериктештик ишенимдүү жана натыйжалуу кызматташтыктын үлгүсүн көрсөтүүдө.
“Өзүбүздүн иденттүүлүгүбүздү сактагыбыз келеби-жокпу — ар кимдин өз тандоосу. КМШ алкагында кызматташуу ага жолтоо болбойт, тескеринче улуттук кызыкчылыктарды күчөтөт”, — дейт ал.
Владимир Путин Россиянын өнөктөштөрүнө кысым жасалып жатканын белгиледи.
“Коркуруп-үркүтүп, буйрук берүү аракети көрүлүүдө. КМШ мамлекеттеринин лидерлери – өздөрүнүн улуттук кызыкчылыктарын жогору коюшат. Биз аны түшүнөбүз. Келечекте дагы мамилебиз ушундай өңүттө болоруна ишеним артам”, — деди Россия президенти.
Ал Россия шериктештиктин азык-түлүк муктаждыгын быйыл дагы камсыздарын, эгин 50-60 миллион тонна экспорттолорун айтты.
«Мен досторубуздун, КМШ өлкөлөрүндөгү кесиптештерибиздин муктаждыгы бар экенин билем. Баары канааттандырылат», — деди Путин.
Биздин Телеграм каналыбызга катталыңыз
