Малекеттик бажы кызматынын  төрагасынын мурдагы орун басары Райымбек Матраимовдун иши боюнча соттук отурумдар ачык өтөт. Бул маалыматты Reporter.kg сайтына Биринчи май райондук сотунун басма сөз кызматы тастыктады.

Кийинки сот жараяны 11-февралга белгиленген.

Матраимовдун иши боюнча алдын-ала сот отуруму 9-февралда жабык эшик артында өткөн. Буга журналисттер нааразычылыгын билдиришкен.

Эске салсак, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирген.

20-октябрда Биринчи май райондук соту анын баш коргоо чарасын карап, сыртка чыкпоо тууралуу тил кат алган.