Россиянын аймагындагы жол кырсыктан 22 жаштагы кыргызстандык жигит каза болгонун, ТИМдин басма сөз кызматы билдирди.
Кыргызстандын Россиядагы элчилигинин Иркутск шаарындагы кеңсесинин маалыматына караганда, 6-декабрда Забайкалье аймагында Амур федералдык унаа жолунун 574-чакырымында болгон жол кырсыгынан улам Кыргызстандын 2001-жылы туулган Б.С. аттуу жараны көз жумган.
Учурда элчиликтин кеңсеси каза болгон жарандын жакын туугандары менен байланыш түзүп, керектүү консулдук укуктук жардам көрсөтүүдө.
Макрумдун сөөгү 10-декабрда Кыргызстанга алып келинет.
Биздин Телеграм каналга катталыңыз
