Ысык-Көлгө Россиянын Москва жана Новосибирск шаарларынан аба каттамдары ачылат. Бул тууралуу «Манас эл аралык аэропорту» ААКтын маалымат кызматы кабарлады.

Маалыматка караганда, 16-июндан тартып “Аэрофлот” авиакомпаниясы Москва — Тамчы — Москва багыты боюнча жумасына эки жолу, бейшемби, ишемби күндөрү каттамдарды аткарышы күтүлүүдө;

19-июндан тарта S7 Airlines авиакомпаниясы Новосибирск — Тамчы — Новосибирск багыты боюнча жумасына бир жолу, жекшемби күнү каттамдарды аткарууну пландаштырууда.

Буга чейин «Манас эл аралык аэропорту» ААКтын маалымат кызматы ушул жылдын жай айларында жарандар Бишкек шаарынан кайсы өлкөлөргө жана шаарларга учса болорун айтып, каттамдардын тизмесин жарыялаган.