Президент Садыр Жапаров бүгүн, 2-ноябрда, иш сапары менен Казакстандын Астана шаарына барды. Бул тууралуу президенттин маалымат кызматы билдирди.
Мамлекет башчынын борту «Нурсултан Назарбаев» эл аралык аэропортуна конду.
Президент Садыр Жапаровду Казакстандын премьер-министри Алихан Смаилов тосуп алды.
Эскерте кетсек, иш сапардын алкагында Жапаров 3-ноябрда өтө турган Түрк мамлекеттер уюмуна мүчө өлкөлөрдүн башчыларынын кезектеги онунчу саммитине катышат.
Биздин Телеграм каналга катталыңыз
