Кыргызстандын президенти Садыр Жапаров курулуп жаткан «Бишкек Арена» көп функционалдуу спорттук комплексине пландан тышкары барды. Бул тууралуу мамлекет башчысынын администрациясынан билдиришти.

Маалыматка ылайык, стадиондун курулушу бекитилген графикке ылайык жүрүүдө. Учурда объектте курулуш-монтаждоо жана жасалгалоо иштери, инженердик системаларды орнотуу, ошондой эле чектеш аймакты көрктөндүрүү иштери уланууда.

Сапардын жүрүшүндө мамлекет башчысы стадиондун ички бөлмөлөрүн көрүп чыгып, унаа токтотуучу жайлардын инфраструктурасынын жана коммерциялык объекттердин курулушунун жүрүшү менен таанышты.

Жапаров «Бишкек Аренанын» өлкөнүн спорттук инфраструктурасын өнүктүрүү жана эл аралык мелдештерди өткөрүү мүмкүнчүлүктөрүн кеңейтүү үчүн маанисин белгиледи. Ал курулуш иштеринин сапатын камсыздоону жана долбоорду белгиленген мөөнөттө бүтүрүүнү тапшырды.

Президент ошондой эле комплексти андан ары иштетүү үчүн инфраструктураны түзүү зарылдыгын көрсөттү.

Буга байланыштуу ал стадиондун аймагынын бир бөлүгүнө соода жана тейлөө объекттерин жайгаштыруу максатка ылайыктуу экенин билдирди. Алар комплекс ишке берилгенден кийин аны кармоого жана өнүктүрүүгө көмөктөшөт.

«Бишкек Арена» стадиону 51 миң көрүүчүгө ылайыкташкан. Курулуш аяктагандан кийин ал Кыргызстандагы эң чоң футбол аренасы болуп калат.

Объект FIFA жана AFC стандарттарына ылайык курулууда, бул республикада ири эл аралык беттештерди жана турнирлерди өткөрүүгө мүмкүндүк берет.

Посмотреть эту публикацию в Instagram

Публикация от Reporter.kg (@reporter_kg)