Президент Садыр Жапаров Азербайжандын лидери Илхам Алиевдин чакыруусу менен 19-20-апрель күндөрү расмий сапар менен Бакуга барат. Бул тууралуу президенттик аппараттын тышкы саясат бөлүмүнүн башчысы Жээнбек Кулубаев билдирди.

Алдыдагы иш сапарынын алкагында Садыр Жапаров Илхам Алиев менен эки тараптуу сүйлөшүүлөрдү жүргүзөрү белгиленген. Мамлекет башчылары эки тараптуу жана көп тараптуу кызматташуунун актуалдуу маселелерин, ошондой эле мындан ары өнүктүрүүнүн жана натыйжалуу кызматташуунун келечегин талкуулашат.