logo
press@reporter.kg
  • facebook
  • odnoklassniki
  • twitter
  • instagram
  • telegram

Садыр Жапаров: Тууган, дос экенине карабай жоопко тартылат

Садыр Жапаров: Тууган, дос экенине карабай жоопко тартылат

Өлкө башчы Садыр Жапаров бүгүн, 1-февралда, өлкө Президентинин Аппаратынын түзүмдүк бөлүктөрүнүн жетекчилери менен кеңешме өткөрүп, жакынкы келечекке болгон негизги артыкчылыктуу багыттарды аныктады. Бул тууралуу президенттин аппаратынан маалымдашты.

Садыр Жапаров белгилегендей, бүгүнкү күндө эки негизги маанилүү маселеге — мамлекеттик бийлик органдарынын ишмердүүлүгүндөгү коррупциялык көрүнүштөрдү жоюуга жана бюрократиялык жана башка административдик жол-жоболорду төмөндөтүүгө өзгөчө көңүл буруу зарыл.

Президент Аппараттын конкреттүү түзүмдүк бөлүктөрүнүн алдына коюлган бардык милдеттер өз маалында жана натыйжалуу аткарылышы керектигин өзгөчө белгиледи.

Мамлекет башчысы алдыда мамлекеттик башкаруу системасын оптималдаштыруу иши турганын, анын алкагында ашыкча жана бири-бирин кайталаган органдар оптимизацияланып, кадрларды тандоо алардын кесиптик чеберчилигинин негизинде гана жүргүзүлөрүн эске салды.

Садыр Жапаров тууганчылык, досчулук жана башка байланыштарга карабастан, мыйзамды бузган, айрыкча коррупциялык иштерге аралашкан ким гана болбосун мыйзам чегинде жоопко тартыларын дагы бир жолу белгиледи.

Буга байланыштуу мамлекет башчысы Президенттик Аппараттын түзүмдүк бөлүктөрүнүн жетекчилеринен өз багыттары боюнча ачык-айкын жана натыйжалуу иш алып барууну талап кылды.

Поделиться в социальных сетях:

Тема боюнча жаңылыктар

Бардык жаңылыктар >>