Бишкектеги «Ынтымак Ордо» президенттик резиденциясынын алдындагы аянтта Кыргызстандын президенти Садыр Жапаров менен Пакистандын премьер-министри Шахбаз Шарифти тосуп алуунун салтанаттуу аземи болду.

Аскердик оркестр эки өлкөнүн мамлекеттик гимндерин аткаргандан кийин, Пакистандын премьер-министри Ардак кароол ротасына жана этножоокерлерге «Салам, аскер!» деп салам айтты. Мамлекет башчылары расмий делегациялардын мүчөлөрүн тааныштырышып, аскер кызматкерлеринин салтанаттуу маршын кабыл алышты.

Протоколдук сүрөткө түшүүдөн кийин Садыр Жапаров менен Шахбаз Шариф соода-экономикалык жана аймактык кызматташтыкты чыңдоо маселелери боюнча эки тараптуу сүйлөшүүлөрдү өткөрүү үчүн жыйындар залына өтүштү.