Саламаттык сактоо министри Сабиржан Абдикаримов пневмония оорусуна чалдыккан. Ал эми анын орун басары Нурболот Үсөнбаев коронавирус жугузуп алган. Бул тууралуу 10-июлда өткөн брифингде коомдук саламаттыкты сактоо башкармалыгынын башчысы Айнура Акматова билдирди.

Акматова белгилегендей, министрдин коронавируска тапшырган анализинин жыйынтыгы  таза чыккан. Учурда алардын саламаттыгы орточо туруктуу деп бааланууда. Тиешелүү дарылануудан өтүп жатышат.

Буга чейин министр менен анын орун басарынын ооруп жатканы айтылган.